Titulli: Mekami
Gjinia: Roman
Autori: Kasëm Trebeshina
Shtëpia botuese: Buzuku
Viti: 2016
Fq. 120
Pesha: 0.145 kg.
ISBN: 978-9951-08-218-1
Komente mbi librin
"Në qendër të romanit "Mekami" të Kasëm Trebeshinës vihet pyetja: Kush janë shqiptarët? Një pyetje tronditëse dhe krejt e pamënjanueshme. Prania dhe zhvillimi i plotë i disa linjave që vendosin përballë caqet kohore mbi pesë shekujsh, zbërthimi linear dhe në të gjitha përmasat i personazheve, si dhe përthithja e kaq shumë lëngjeve si materie rrëfimore, i japin "Mekamit" tiparet e një romani të përfunduar si art dhe domethënie.
"Mekami" është ndër librat e parë të realizuar artistikisht, ku historia shformohet dhe formësohet si art, pra duke lexuar edhe anën tjetër të medaljes të historisë, që ekziston e jo se shpiket, domethënë pjesën e padukshme dhe të nënkuptuar, kryekreje duke çmitizuar atë dhe padukshmërinë duke e fokusuar si esencialitet letrar..."
Behar Gjoka
""Mekami" është pa dyshim një nga ballafaqimet më të ashpra të Kasëm Trebeshinës me vetveten, me njeriun dhe me historinë tonë në një diakronik prej 500 vjetësh, pra, është zëri më dramatik i ndërgjegjes së tij përballë vetvetes, këtij njeriu dhe kësaj historie. "Mekami" ka një strukturim modern dhe e pasuron prozën tonë të sotme. Një vepër që shqipton dramën tonë shpirtërore..."
Anton Nikë Berisha
""Mekami" është një roman i ndërlikuar, në mënyrën si përballet me të vërtetat historike. Qëndrimi i romanit ndaj një periudhe, i ndryshëm nga të vërtetat historike, e bëjnë të ndërlikuar pozicionin që mund të mbajë lexuesi kur përballet me përmbysjen e disa fakteve, të njohura krejt ndryshe prej tij."
Anila Mullahi
""Mekami" i kundërvihet mitit të realizmit socialist, që e nxjerr figurën e Skënderbeut si qëndresën më të fortë të popullit shqiptar, nga i cili do të frymëzoheshim edhe ne që u rezistonim të gjitha sulmeve të borgjezëve, revizionistëve, social – imperialistëve..."
Edmond Çali
