Të mësosh të jetosh: Libra psikologjikë, filozofikë dhe praktikë

Përshëndetje miq të librit,

Kësaj here librat dhe autorët që kemi përzgjedhur janë të një karakteri disi më psikologjik dhe filozofik, por gjithësesi praktikë dhe konkret për jetën. Duke filluar që nga “Këshillat për jetën” e Shopenhauer-it deri te libri i autores shqiptare Adriana Anxhaku (Zeneli): “Arsyeja ndërmjet mitit, iluminizmit e refleksionit”, secili përpiqet të sjellë një përqasje të goditur mbi fazat, këndvështrimet apo edhe gjendje të caktuara të fenomeneve të jetës tonë të përditshme.

Këndvështrimi, urtësia dhe prakticiteti i këtyre mjeshtrave të psikologjisë, filozofizë, sociologjisë dhe vetë artit, përcillet përmes faqeve të këtyre libravë, me qëllim që t’ju sjellë më tepër dritë jo vetëm mendjeve tuaja, por mbi të gjitha, t’ju ndihmoj të jetoni jetën!

Këshilla për jetën, Arthur Shopenhauer

Keshilla per jeten, Arthur Shopenhauer“Këshilla për jetën” është një nga veprat më të pëlqyera dhe më popullore në lexueshmëri e filozofit që të ngushëllon përmes pesimizmit: Arthur Schopenhauer. Në këtë vepër autori hyn në kontakt dhe bën të prekshme ato zona ku lexuesi i zakonshëm, por edhe natyra meditative gjen krahë për të zbuluar gjithçka të ndryrë brenda vetes, për të zbuluar më mirë atë dhe për ta vendosur veten në raport me botën dhe të tjerët. Pyetjet më ekzistenciale për qenien bëhen me një inteligjencë të jashtëzakonshme dhe po kështu jepen edhe përgjigjet e autorit nga përvoja e vet dhe përvoja e njerëzimit. Ç’kuptim ka jeta për ty? Po nderi? Po paraja? Po të jesh i lumtur, a ka kuptim? Po të brengosesh, a ka vlerë? Po artet, ç’vlerë kanë? Po dituria? Këto dhe shumë të tjera janë pjesë e këtij libri të shkëlqyer që të shoqëron gjithë jetën.

 

Si të sillemi me gratë, Arthur Shopenhauer

Si te sillemi me grate, Arthur ShopenhauerMe gratë natyra ka kryer një goditje mjeshtërore: ka bashkuar në një kohë të caktuar të rinisë, të gjitha bukuritë dhe yshtjet për të tërhequr fort vështrimet e përhumbura të burrave.

Cfarë mund të na mësojnë filozofët për sjelljen ndaj grave, kur atyre u takon të jenë mbrojtës të diturisë, ndonëse vetë kanë qenë të pafat në dashuri? Ç’na këshillojnë ata për t’u mbrojtur nga sjelljet bredhacake për të frenuar këtë synim të dëshirës sonë? Çfarë strategjie na këshillojnë për t’u hequr tekat seksit delikat kur dihet dashuria është si feja: nuk arrihet me forcë.

Si të sillemi me njerëzit, Dale Carnegie

Si te sillemi me njerezit, Dale CarnegieSi të sillemi me njerëzit (How to Win Friends and Influence People) është një ndër librat e parë më të shitur për përmirësimin-e-vetes që është publikuar ndonjëherë. Shkruar nga Dale Carnegie dhe publikuar që në vitin 1936, arriti të shes mbi 15 milion kopje në të gjithë botën. U listua si një ndër librat më të shitur të New York Times për 10 vjet.


Rruga në të cilën rrallë shkohet, Scott Peck

Autori përpiqet të jetë sa më objektiv dhe korrekt në trajtimin e temave të medha si Dashuria apo Dhimbja, të cilat i fokuson jo vetëm në dritën e shkencës psikologjike, por futet dhe në trajtime filozofike, sociologjike, teologjike, madje dhe poetike, duke shkrirë të gjitha këto në përvojën jetësore të vetvetes dhe të rrethit ku ai jeton. Vetë titulli i librit është sugjerues, aq edhe joshës; ai të fton në një rrugë, nëpër të cilën vërtetë shkohet shumë rrallë,por me mbështetjen, përkrahjen, sinqeritetin dhe dashurinë që të ofron ky autor bashkëkohës, mund ta bëjë lexuesin të jetë dhe ai, papritur, pjesëmarrës në rrugën e ngritjes së vet shpirtërore. Për Skot Pek-un, por dhe për njerëz të tjerë që mendojnë dhe jetojnë si ai, Dashuria dhe Puna janë gjërat më shenjta dhe të vetmet udhëheqëse, që të çojnë në rrugën për arritjen e lumturisë së vetvetes dhe të tjerëve.

Arti i të pleqëruarit, Ciceroni

Thuhet se pleqëria e largon njeriun nga jeta aktive. Thuhet se ajo i mpak forcat duke e bërë trupin të dobët, se e zhvesh plakun nga gëzimet e jetës, nga pasionet e dashurisë dhe se me pleqërinë njeriu i afrohet gjithnjë e më shumë vdekjes.

Pleqëria i dobëson forcat e trupit, por nuk dobëson jetën shpirtërore. Fakti që pleqëria i afrohet gjithnjë e më shumë vdekjes, nuk duhet ta dëshpërojë njeriun, por ta qetësojë, sepse vdekja është një kthim në zanafillë. Sipas Ciceronit, e fshehta e artit të pleqëruarit është mbajtja gjallë e interesave, bërja e një jetë të rregullt dhe të përkorë.

Arsyeja ndërmjet mitit, iluminizmit e refleksionit, Adriana Anxhaku (Zeneli)

Vëmendja e studimit është drejtuar këtu drejt rrymave të reja bashkëkohore të mendimit filozofik e sociologjik modern. Duke lexuar punimin bindesh plotësisht për vlerat që ka studimi, si në drejtim të parashtrimit të Teorisë Kritike në tërë rrugën e zhvillimit të saj ashtu dhe në njohjen e rolit të kësaj teorie në kritikën ndaj shoqërisë ekzistuese. Mendoj se njohja e saj do të ndihmonte edhe studiuesit shqiptarë në zbërthimin e kuptimit të mjaft dukurive edhe të shoqërisë tonë, … sidomos atyre negative për artin e kulturën që janë kthyer shpesh vetëm në mall.

19 Responses to Të mësosh të jetosh: Libra psikologjikë, filozofikë dhe praktikë

  1. lenna Përgjigjjuni

    8 Maj 2009 at 1:19 pm

    jeni me te miret ju qe kujtoheni te shkruani edhe per tema te tilla,vertet kemi nevoj,ju pershendes vazhdoni keshtu

  2. Anila Përgjigjjuni

    8 Maj 2009 at 9:10 pm

    Ju adhuroj qe dhe ju po me kaq shume shpirt e adhuroni letersine, ajo per mua eshte vertet gjithcka.. Te meson sinqerisht ne cdo fushe patjeter gjithcka qe te duhet per te nesermen…

  3. matilda Përgjigjjuni

    28 Shtator 2010 at 10:36 am

    Përshëndetje dhe urime!
    Natyrisht që libri është thesar i çmuar për çdo njeri, është ushqim për shpirtin. Ne kur ishim në shkollë fillore na jepnin dhe fletë-lavdërimi si “Miku i vogël i librit”. Kush lexonte sa më shumë libra dhe i komentonte me shokët, merrte dhe një sadisfaksion shpirtëror. Por në shoqërinë e sotme moderne, nuk ka vlerë gjendja shpirtërore apo më mirë “shëndeti” i shpirtit. Sot gjithkush rend pas parasë.Gjithçka është shndërruar në mall. Gjithçka shitet e blihet. Edhe njeriu vetë.

  4. eni shehu Përgjigjjuni

    6 Tetor 2010 at 1:13 pm

    pershendetje…..me liber mund te mesosh ta shohesh boten ne nje kendveshtrim tjeter, me te thelle. me liber meson se cdo gje e ka nje vend te lire per nje koment te fundit. libri eshte kulture, pasuri, dije e vlere. dashurojeni librin, adhurojeni, shijojeni.

  5. flutura Përgjigjjuni

    30 Nëntor 2010 at 4:47 pm

    pershendetje, me pelqejne librat ne pergjithesi, por ndjehem rehat me librat psikologjik. Faleminderit, paci fat.

  6. mira Përgjigjjuni

    6 Janar 2011 at 7:53 pm

    jeni te mrekullueshem qdo her gezohem kur shoh mesazhin nga ju nga se e hapni nje dritare te dituris ne mua andaj vazhdoni njeherit ju uroj vitin e ri 2011 dhe ju uroj shendet e suksese te vazhdueshme ne punen tuaj njeherit ju falenderoj gezuar vitin e ri 2011 .

  7. yllka Përgjigjjuni

    20 Tetor 2011 at 1:45 pm

    a mundeni me postue diqka nga libri psikologjike sigmon frojdi psikologjia e suksesit

    • Elvisi - Admin Përgjigjjuni

      20 Tetor 2011 at 1:53 pm

      Pershendetje Yllka, faleminderit per interesimin por fatkeqesisht ne disponojme vetem librin fizik (pra jo ate elektronik).

  8. hilda Përgjigjjuni

    2 Nëntor 2011 at 2:40 pm

    Të nderuar miq të librit!

    Duke ju falënderuar për faqen shumë të vlefshme, ju sugjeroj që titulli i faqes duhet:

    “Të mësosh të jetosh:Libra psikologjikë, filozofikë dhe praktikë”; pra, bëhet fjalë për numrin shumës!

    Ju faleminderit!

  9. hilda Përgjigjjuni

    2 Nëntor 2011 at 2:57 pm

    Ju faleminderit ju, gjithashtu…dhe nëse do t’ju duhet diçka e kësaj natyre, ju lutem mos ngurroni të më “shqetësoni”, është kënaqësi për mua.

  10. Ardian Smajli Përgjigjjuni

    16 Janar 2012 at 9:53 pm

    S’pari ju përshëndes shum, gjithashtu i pershendes shum edhe pronaret e kti Webi. Më t’vertet bëni një pun shum shum të mir. Atëher po kaloj në tem, n’fakt un kam nevoj për n’dimen e juve këtu, n’doshta nuk më lejohet që këtu të bëj kët pytje ama më duhet kuptimi i kësaj fjale ”MEDIOKRITET” n’doshta për qdo njëri ësht shum e let kjo fjali për tu kuptuar, ama un spe kuptoj, n’doshta arsyeja pse jam larg vendit tim, nuk e kuptoj kët fjali. Prandaj nga ju kërkoj t’ma sqaroj dikush kët fjali thjesht, gjersisht dhe kuptushem.

    Ju lutem më dergoni kuptimin e kesaj fjalije në kët imell dj_ylli_1@hotmail.com. Ju faleminderit

  11. Bledi Përgjigjjuni

    2 Qershor 2012 at 3:08 pm

    Kam nje pyetje… E di njeri a eshte i perkthyer ne gjuhen Shqipe libri “The Noticer” nga autori Andy Andrews?

  12. Bledi Përgjigjjuni

    4 Qershor 2012 at 10:10 pm

    Faleminderit Elvis! Shpresoj qe dikush ta perktheje sepse eshte liber shume interesant :D

  13. amrush Përgjigjjuni

    10 Tetor 2012 at 10:32 am

    me pelqen kjo tem

  14. pakize Përgjigjjuni

    5 Tetor 2013 at 10:38 pm

    libri-celesi i diturise..

  15. selvete azemi Përgjigjjuni

    4 Shkurt 2014 at 11:27 pm

    pershenddetje…ju deshiroj pune te mbare motra dhe vellezer..ketu ne …une i bashkohem pararedsve…dhe kemi nevoj te madhe me lexua shqip ne ..ketu me na mundesua libra elektronike.
    paqi fat.

  16. Avdyl Përgjigjjuni

    24 Mars 2014 at 5:35 pm

    Pershendetje Libri osht ushqim I shpirtit

Lini një Përgjigje

Adresa juaj email nuk do të bëhet publike. Fushat e domosdoshme janë shënuar me një *

Mund të përdorni këto etiketa dhe atribute HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>